Cjasarse e onore Ciol cuntune mostre in Avrîl

Domenie ai 3 di Març al à fat 95 agns Elio Ciol, un dai plui innomenâts fotografs des maraveis de archeologjie, de piture e de sculture taliane e europeane, un dai ultins mestris de fotografie: a son 175 lis mostris personâls inmaneadis, in Italie e intal Mont, 129 chês coletivis, passe 220 i libris là che si cjatin lis sôs fotografiis. Il so Comun, Cjasarse, i à fat onôr tal 2021 cu la grande mostre “Respiri di viaggio”, 120 oparis che a jerin soredut gnovis. Tal stes spazi dal ex municipi progjetât di Gino Valle, a cualchi centenâr di metris de cjase di Pier Paolo Pasolini, il Comun di Cjasarse al vierzarà une altre grande esposizion inte seconde metât dal mês di Avrîl. (A.I.) – 04.03.2024