71
La mostre di Calogero Condello “Dialics cul timp: cincuante agns di percors artistics”si vierç sabide ai 20 te glesie di S. Francesc a Udin, cuntune colezion di sculturis che a metin in struc la sô cariere di cincuante agns di artist. La mostre e je part di un progjet in cinc parts, za tacât a Buri e a Cividât. Cheste e je forsit la antologjie plui complete dal artist, che e cjape dentri dute la sô cariere creative, tratant temis contemporaniis, fonts e universâi: il disasi esistenziâl uman, l’incuinament, la vuere e l’amôr. La mostre si vierzarà tal dopomisdì cuntun piçul spetacul di danze curade di Luca Condello in colaborazion cu la scuele di danze “Ceron” e e restarà vierte fint ai 12 di Lui. (A.I.) – 19.06.2026
