Chesterton, un autôr di riscuvierzi

“Fuorigioco” (Fûr di zûc) e je la rassegne che il circul culturâl Eureka al dediche, in colaborazion cu la Biblioteche civiche di Pordenon, a scritôrs e oparis di scuvierzi (o riscuvierzi) e a temis di atualitât che a meretin di jessi aprofondîts e cjapâts dentri inte lôr complessitât. Pai 150 agns de nassite di Gilbert Keith Chesterton, il mestri dal paradòs, joibe ai 28 al è previodût inte sale “Degan” de Biblioteche di Pordenon, aes 6 dopomisdì, un incuintri cun Paolo Gulisano e Paolo Morganti. Nassût intal 1874 a Londre, Gilbert Keith Chesterton al è stât un autôr gjeniâl di saçs, biografiis, romançs e poemis e l’inventôr dal personaç dal predi detective. (A.I.) – 27.03.2024