Cjase Colussi, la cjase tal centri di Cjasarse là che e nassè la mari di Pasolini, deventade di vincj agns la sede dal Centri Studis tal non dal poete, e je stade rinovade pal aniversari e i 50 agns de muart di Pier Paolo. Il museu al è stât preparât in maniere gnove e e je stade fate ancje une vuide: “Abitare poeticamente. Casa Colussi a Casarsa”, par cure di Maura Locantore. Il volum, pensât in sinergjie cul gnûf percors espositîf, al propon une esperience che e je une imersion tai spazis de cjase e te vite dal inteletuâl. Dîs sezions – piture, sperimentazion teatrâl, pedagogjie… – là che si cjate ancje la famose stanzie de ‘Academiuta’. La vuide e je in dôs lenghis, talian e inglês, stant che i turiscj dal forest a son une vore, cun fotos, citazions e testemoneancis. (A.I.) – 28.07.2025
Foto D. Scarpante
