Centri culturâl tal non di Tina Modotti

Il gnûf ambassadôr messican, Genaro Lozano, che al è jentrât in cjarie dome cualchi mês indaûr, al à decidût, su domande dal so guvier, di creâ l’Istitût Culturâl Messican in Italie, dedicantlu a Tina Modotti, la fotografe e atore nassude a Udin in borc Praclûs. Il Centri culturâl, soredut se si ten cont des celebrazions dal centesim trentesim aniversari de nassite de innomenade artiste, al podarès jessi un event impuartant pe regjon, no dome pe culture ma ancje pes relazions jenfri Italie e Messico, promovint la vite e lis oparis di une figure iconiche, forsit plui cognossude e presade in Americhe dal Sud che in Italie. (A.I.) – 20.02.2026