Casamia: residencis artistichis in Cjargne par dut il mês

Gnove edizion par “Casamia”, un progjet di residencis che al puarte in Cjargne artiscj de Italie e dal forest. Inmaneât dal Comun di Ravasclêt, cu la poie de Regjon Fvj, chest an il progjet al cjaparà dentri cuatri comunitât ae ancjetancj artiscj/grups che par une setemane si butaran inte lôr musiche, lassantsi contaminâ des comunitâts e dai teritoris, cu la lôr storie e lis lôr particolaritâts. Ogni sabide, aes 5.30 dopomisdì, a saran protagoniscj di un conciert gratuit. Il calendari si vierç a Zuviel (Ravasclêt), cu la cjantautore Alidé Sans, origjinarie de Val di Aran, inte Comunitât autonome de Catalogne. In chês altris setemanis dal mês di Otubara saran ospits i Byenow a Cleulis (Paluce), Felix Lalù a Pesariis (Prât) e Valeria Pozzo a Lungjis (Soclêf).  (A.I.) – 03.10.2022