Caprarica al conte Trump: brâf o bulo?

Tierç apontament pe serie “Incuintris cui autôrs e il vin”, promovude de associazion Lignano nel Terzo Millennio, presiedude di Giorgio Ardito e curade dal scritôr Alberto Garlini, dal tecnolic alimentâr Giovanni Munisso e dal produtôr di vin Michele Bonelli. Joibe ai 25, aes 6 e mieze di dopomisdì tal PalaPineta di Lignan, Antonio Caprarica al presente “Il bullo. Come Donald Trump ha distrutto l’Occidente” in conversazion cun Elisabetta Pozzetto. Il corispondent e par agnorums espert de RAI sul mont anglosasson al à dedicât chest so gnûf saç a une des figuris plui dibatudis e influentis de politiche contemporanie: il president in cjarie dai Stâts Unîts, fasint une domande: isal un politic cualificât o nome un bulo prepotent? (A.I.) – 24.06.2026