Bronçs in mostre a Aquilee ancjemò par un mês

La mostre “Gli Dei ritornano. I Bronzi di San Casciano” (I dius a tornin. I bronçs di San Casciano) tal Il Museu Archeolic Nazionâl di Aquilee no si è sierade domenie ai 8 ma, daûr di chel che si podeve pensâ ancje pal grant sucès di public, e sarà vierte ancjemò par cuasi un mês fint a domenie ai 12 di Avrîl. La mostre e à puartât in regjon pe prime volte une des scuviertis archeologjichis plui sensazionâls dai ultins cincuante agns: passe 300 tocs, discuvierts vie pes ricercjis archeologjichis fatis dal 2022 al 2024 de Universitât di Siene, che a mostrin la relazion jenfri umans e dius intun santuari frecuentât dai etruscs e dai romans, leât ae presince di aghis termichis e curativis: chel di San Casciano dei Bagni. Cu la sprolungjie, la mostre e sarà vierte ancje il dì e il Lunis di Pasche intes oris previodudis, des 10 di buinore aes 7 sot sere (ultime jentrade pussibile prime des 6). Ancje lis visitis vuidadis de mostre inmaneadis di Promoturismo FVG a son ancjemò disponibilis par dut il mês. (A.I.) – 09.03.2026