Cu la mostre “Ruota Libera”, Ruede libare, l’Ent Regjonâl pal Patrimoni Culturâl de Regjon Friûl-Vignesie Julie (ERPAC Fvg) al presente a Vile Manin un progjet dut dedicât ae biciclete: une robe che e somee semplice, ma che e je stade buine di vê un impat profont su la storie culturâl, tecnologjiche e sociâl dai ultins doi secui. Curade dal colezionist Mario Cionfoli di Vicence, la mostre e ufrîs un viaç naratîf che al cjape dentri etis e contescj diferents, mostrant cemût che chest mieç di traspuart al à slargjât lis pussibilitâts di moviment, lavôr e scuvierte par milions di personis. La storie e scomence tal 1815, cuant che il baron Karl von Drais al progjetà il prin prototip di une biciclete di len, nassude in rispueste a une crisi climatiche grivie ,che e veve ridot in mût drastic il numar di cjavâi. Di un ogjet costôs, la biciclete si è mudât vie pal timp intun mieç di traspuart simpri plui doprant, deventant un imprest di lavôr, un mieç di traspuart par ogni dì e la protagoniste di gnovis formis di sport competitîf. In mostre a son 62 bicicletis storichis e contemporaniis che a vegnin di museus e colezions, compagnadis di fotografiis di epoche, documents origjinai e materiâi di archivi. (A.I.) – 19.05.2026
Foto di S. Nita
