Avoledo al fevele di flums e speculazion edilizie

Anteprime regjonâl joibe ai 20 aes 6 dopomisdì pe presentazion dal libri “Come si uccide un gentiluomo” (Cemût che si cope un galantom) di Tullio Avoledo, il tierç apontament de rassegne “I Colocuis de Abazie. Il viaç de cjarte gjeografiche di Livio Felluga”, curade e condote di Elda Felluga e Margherita Reguitti inte storiche Badie di Rosacis in comun di Manzan. Il scritôr Avoledo al torne in Badie par presentâ il so gnûf romanç, un thriller “ecologjic”, ma ancje “noir,” cuntun personaç che dal sigûr al varà vite lungje, l’avocat Vittorio Contrada, rivât in Friûl dopo l’omicidi di un om dal passât scûr, intune isolade comunitât di mont, dulà che une speculazion edilizie cence scrupui e podarès cambiâ par simpri il cors dai flums. (A.I.) – 18.02.2025