Atôr pal Friûl e il Sietcent cun Tiepolo

Il “Festival dal Tiepolo e dal Sietcent in Europe”, une rassegne di art e culture in spazis esclusîfs, al va indevant ancje pal secont fin de setemane. Chest grant event, inmaneât di Itineraria e sot la direzion artistiche de presidente Maria Paola Frattolin, al puarte une altre volte ospits preseâts in Friûl, vierzint lis puartis a tesaurs artistics di un valôr che nol è in discussion. Sabide ai 14, la mostre “Intorno all’abbigliamento: Leggerezza e Rigore. Viaggio didattico ed educativo nel secolo dell’eleganza”, un viaç traviers i vistîts dal Sietcent, si vierzarà te scuele superiôr Isis “Raimondo D’Aronco” a Glemone e e restarà vierte fint ai 20 di Mai. Domenie ai 15e si davuelzarà une visite speciâl tal Domo di Udin, par esplorâ la storie de fede e de art ocidentâl, puartant cualchi figure storiche in dialic cun Giambattista e Giandomenico Tiepolo. (A.I.) – 13.03.2026