Art a Cosean: ducj i premiâts

Si è sierade cun grant sucès la vincjesime cuinte edizion dal “Premio Arte Coseano”, che al à viodût la partecipazion di cetancj artiscj e une afluence di public straordenarie. L’avigniment al à regalât une zornade di no dismenteâ tal segn de art, de culture e dal intratigniment. Lis premiazions, in Place dai Artiscj, a àn celebrât il talent e la origjinalitât dai artiscj partecipants. Federico Pillan si è adiudicât il prin puest, al secont Enea Romanelli, al tierç Vojko Gašperut. Di là dai premis in bêçs pai prins trê classificâts, i artiscj dal cuart al otâf puest a àn otignût la oportunitât di esponi lis propriis oparis inte Galarie “Secret” di Udin.  Il premi Ex Tempore pes oparis realizadis dal vîf al è stât vinçût di Erik Scarpolini, i premis sponsor, invezit, a son stâts adiudicâts di Giuseppina Baldisera, Antonio Fontanini e Daniela Pontelli. Dilunc de cerimonie, un moment speciâl al è stât dedicât ae premiazion dai fruts de Scuele primarie comunâl “Mons. Masotti”, che a àn partecipât al concors ex tempore. (A.I.) – 24.09.2024