Aquilee: statuis di bronç pe ultime mostre dal an

Si scree joibe ai 4 di Dicembar la ultime grande mostre dal an, tal Museu archeologjic nazionâl di Aquilee, dedicade a une des scuviertis plui impuartantis dai ultins decenis: il straordenari dipuesit di statuis di bronç intun santuari termâl di ete etrusche e romane di San Casciano dei Bagni, in provincie di Siena. “Gli dei ritornano” (I dius a tornin) e presente pe prime volte in Italie no dome i bronçs cjatâts a San Casciano, ma un percors inricjît cui ultins reperts. Dentri dai gnûfs dipuesits dal Museu di Aquilee, si che duncje si cjataran storiis di devozion, di cults e ritualitât, di aghe termâl doprade par curâsi. E il teme dal contat e des contaminazions jenfri lis culturis diferentis: une carateristiche za dentri di Aquilee la “citat des aghis” e cuntune leture in linie cu lis iniziativis te suaze des celebrazions di GO!2025. La esposizion, promovude dal Ministeri de culture e vierte fint ai 8 di Març dal 2026, e je la prime a doprâ i spazis rinovâts dai dipuesits. Intant, a van indevant ancje i intervents di ricualificazion di dut il complès dal museu: daspò di chei a vile Cassis Faraone e tai siei dipuesits, dal 2026 al 2027 si tacaran ancje i lavôrs di restaur des galariis lapidaris e al sarà pussibil ancje tornâ a vierzi la sezion navâl. (A.I.) – 03.12.2025