194
La Fondazione Aquileia e presente une part dai siei tesaurs a Triest pe Barcolane: al Salone degli Incanti a son in esposizion 15 anfuris ospitadis par solit al Museu archeologjic nazionâl di Aquilee, che 2000 agns indaûr a traspuartavin gran, vin, vueli, salsis di pes e pomis intes stivis des nâfs. Il president de Fondazione Aquileia, Roberto Corciulo, al à decidût di promovi ancje un itinerari di visite a Aquilee sul teme dal mâr, cun tapis al puart fluviâl antîc, al Museu e ae Basiliche patriarcjâl: “Une ocasion – al sclarìs – par rifleti sul rûl strategjic dal mâr inte storie tant che puint culturâl, in plui che comerciâl, e soredut su chel di Aquilee, un puint jenfri la grande vie dal Mediterani e il Nord”. (A.I.) – 05.10.2022
