Apontaments cu la storie ator pe regjon

Il “Circolo della Storia”, Circul de storie, al torne a jentrâ tal teritori, daspò dal sucès in rêt cun www.circolodellastoria.it dal mês di Otubar. La prime comunitât taliane di passionâts di storie e jentre intune gnove fase cuntune schirie di incuintris in dutis i cuatri lis provinciis de regjon, in colaborazion cu la Universitât dal Friûl e chê di Triest. Nassût tant che scandai culturâl par lei la complessitât dal dì di vuê, il circul al à za passât i 2 mil iscrits in dute Italie, deventant un riferiment par ducj chei che a vuelin lâ insot des dinamichis dal mont di là de banalitât dai “social”. La gnove serie di incuintris par cure di Tommaso Piffer, “Apontaments cu la storie”, e rapresente un zîr ator pe storie cun grancj esperts talians, tes citâts e tai borcs, e l’an che al ven al sarà fat ancje in altris regjons. ll prin apontament joibe ai 26 di Fevrâr a Udin, e il dì dopo a Triest, cun Marcello Flores, che al fevelarà di justizie internazionâl. Ai 5 e ai 6 di Març a Udin e a Trivignan, Carlo Fumian al contarà la storie dal marcjât mondiâl dal forment; Roberto Della Seta (ai 12 e ai 13 Març a Gardiscje e Udin) al contarà i moviments a pro de pâs in Italie e po dopo a rivaran Jacopo Lorenzini, Ilaria Pavan, Antonella Salomoni, Raoul Pupo e cetancj altris fint al mês di Jugn cun altris cunvignis. (A.I.) – 25.02.2026