Aperitîf leterari intal non di Ungaretti

Il progjet “Oltreconfine Ungaretti”, une schirie di seradis cun associazions, citadins, atôrs, musiciscj, poetis e esperts di storie locâl par indagâ, racuei e contâ in forme teatrâl la vite e la espression artistiche di Ungaretti intal periodi 1914-1919, al jentre intal vîf cuntune gnove tape. Martars ai 18 il percors culturâl transfrontalîr di incuintris cu lis comunitâts locâls jenfri Friûl-Vignesie Julie e Slovenie che e zire ator des vicendis umanis e poetichis di Ungaretti al à in program un aperitîf leterari li de Lokanda Devetak di S. Michêl dal Cjars, localitât di Savogne dal Lusinç. La serade, bilengâl, e sarà incentrade su lis lirichis di Ciril Zlobec, poete e scritôr sloven, e Ungaretti. (A.I.) – 17.02.2025