Aperitîf cu la art e la storie di Frida Kahlo

Daspò dal sucès dal an passât, cuntun spetacul dedicât a Vincent van Gogh, “Aperitivo con l’Arte” al torne a Udin cuntun gnûf event in memorie di une des figuris plui iconichis e dibatudis de art dal vincjesim secul: Frida Kahlo. “Soy Frida Kahlo”, sabide ai 29 aes 8 e mieze te cort di Palaç Morpurgo, e conte la vite de pitore messicane, il so percors artistic e politic, lis sôs dificoltâts e i siei incuintris cui artiscj e inteletuâi dal vincjesim secul – di Tina Modotti a Trockij, di Breton a Picasso, fint ae sô relazion passionade cul pitôr Diego Rivera. Il spetacul, cu lis vôs di Cristina Bonadei e Massimo Tommasini, Juri Dal Dan al piano e la regjie di Massimo Tommasini, al è il risultât di un lavôr une vore lunc fat di ricercjis e analisi. (A.I.) – 28.08.2026