Ancjemò une setemane pal premi leterari di Tisane

Par cui che al vûl candidâ il propri libri ae trentesime prime edizion dal Premi leterari internazionâl “Latisana per il Nord-Est”, al è ancjemò une setemane di timp. Al scjât, di fat, martars ai 31 di Otubar il bant publicât sul sît dal Comun di Tisane. A puedin partecipâ lis oparis di narative di scritôrs di nassite o residents intal Nordest, publicadis in volum, romançs o racueltis di contis di un sôl autôr che a àn di jessi stadis publicadis o tradotis in lenghe taliane daspò dal prin di Setembar dal 2022. A vuê, a son plui o mancul trente i libris iscrits al Premi, oparis di piçui e grancj editôrs che a frontin varis temis e gjenars: a son lis storiis veris, lis relazions familiârs, l’amôr, il sport e la nature, la storie dal Nûfcent, e dopo ancje zâi. (A.I.) – 24.10.2023