Ancje tal “Topolino” si fevele furlan

Daspò dal grant sucès dai apontaments che a àn passionât miârs di letôrs, la riviste setemanâl “Topolino” e celebre ancjemò une volte lis lenghis locâls de Italie. Il numar 3686 dal fumet – che si cjate tes ediculis e su Panini.it a tacâ di miercus ai 15 di Lui – al sarà disponibil in Friûl-Vignesie Julie intune des cuatri versions speciâls de storie “Zio Paperone e la giornata piena”, scrite di Augusto Macchetto e dissegnade di Giampaolo Soldati e voltade par furlan! Lis altris trê, tai dialets di Potenza, Perugia e Campobasso, si cjataran dome in Basilicata, Umbria e Molise. Dutis lis copiis cu la storie in lenghe locâl a vegnin distribuidis dome tes ediculis de zone sielte. Dutis lis versions a saran disponibilis intes buteghis di fumets e in rêt su Panini.it. (A.I.) – 14.07.2026