Ancje i fruts a Pordenon a spietin la scritore di “Dedica”

A son ancje 1.220 fruts di 65 classis des scuelis primariis di Pordenon a spietâ la protagoniste di “Dedica 2023”, la scritore francese Maylis de Kerangal, in citât sabide ai 18, cuant che il festival al sarà screât al teatri “Verdi” aes 4.30 dal dopomisdì, e e tacarà une setemane penze di apontaments cu la autore. A son ben 37 i laboratoris di educazion ae leture che i fruts a son daûr a partecipâ, curâts de associazion culturâl 0432 e dividûts in dôs propuestis pes diviersis fassis di etât: dai 6 ai 8 agns e dai 9 ai 12. Dilunc dal festival, ciertis classis a varan ancje mût di cjatâ la autore di persone, intal cors di un “fûr program”. (A.I.) – 15.03.2023