Alpinisim: une storie divierse

La Sale consiliâr dal ex municipi di For disore e ospite in anteprime nazionâl sabide ai 9, aes 5 dopomisdì, il volum “Controstoria dell’alpinismo” (Cuintristorie dal alpinisim) di Andrea Zannini, di pôcs dîs intes librariis. L’autôr al dialogarà cun Paola Cosolo Marangon, conseire de sezion CAI di For disore. Docent di Storie de Europe te Universitât dal Friûl e alpinist apassionât, Zannini al ripasse cence schemis precostituîts la storie dai prins pas dal alpinisim e, par ledrôs, la narazion tradizionâl, secont che a saressin stâts cierts “citadins” a vierzi i prins trois su lis cimis des Alps invezit de int di mont, cemût che in efiets al è stât. La cunvigne, a jentrade libare, e rapresente un dai prins risultâts de colaborazion tra Leggimontagna e “vicino/lontano mont”. (A.I.) – 08.03.2024