Al è muart Ginzburg, al veve scuviert i benandants

Carlo Ginzburg, il plui cognossût storic talian tal forest e un dai autôrs talians contemporanis plui tradusûts tal mont, al è muart a Bologne a 87 agns. Cognossût pai siei studis su la storie des persecuzions, de eresie e de culture popolâr te Ete di Mieç e in chê moderne, tai agns Sessante al veve fate une scuvierte storiche. Tai archivis dal vescul di Udin, Ginzburg al veve discuviert un cult difondût in Friûl tal Cinccent e tal Sîscent: chel dai benandants, une sorte di vuaridôr acusât di eresie de bande de incuisizion. “I Benandanti” al è ancje il titul dal so prin libri, publicât tal 1966, che al ricostruìs lis origjinis di chest cult contadin. Po dopo, Ginzburg al à scrit de eresie in Friûl intal so libri dal 1976 “Il formaggio e i vermi (Il formadi e i viers), dulà che al conte i procès de incuisizion cuintri un mulinâr furlan dal diesim sest secul, Domenico Scandella, cognossût cul non di Menocchio, acusât di vê ideis eretichis su la origjin dal mont e su Jesù Crist. (A.I.) – 17.06.2026