Al cine e torne la storie dal “Titanic nazist”

da Andrea Ioime

Pe Zornade de Memorie, miercus ai 31, Cinemazero al torne a presentâ une storie di no crodi e tant pôc cognossude: chê dal “Titanic nazist”, presentant a Pordenon il cine di Herbert Selpin e Werner Klingler, fat intal plen de Seconde Vuere Mondiâl. Dilunc des ripresis, la nâf Cap Racona e fo prime il set par un cine sul colossâl disastri maritim dal Titanic e po dopo il set reâl dal teribil “Titanic-Holocaust”, dulà che a vignirin imbarcjâts almancul 6 mil ebreus e detignûts. Tra i sorevivents Berek Jakubowicz, il “dentist di Auschwitz”, che al rivà fin a rive, par scuindisi fin ae liberazion. La idee di Hitler e Goebbels e jere chê di fâ un cine di propagande anti britaniche, intun moment che il morâl dai todescs, bombardâts dai aleâts, al jere jù. Goebbels al veve blocât la jessude in sale, forsit rindintsi cont che la storie di un cjapitani che al puarte la sô nâf a subissâsi e podeve riclamâ la situazion tragjiche de Gjermanie di Hitler. (A.I.) – 30.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui