Al è lât cence dî nuie, cence cridôr cemût che al veve vivût simpri. Ottavio Sgubin il pitôr dai ultins al è muart a 81 agns cualchi dì dopo Pasche inte sô cjase di Lavorêt, dulà che al viveve cu la amade femine Piera e dulà che al veve il studi.
Piturâ e je stade la sô vite. Origjinari di Flumisel, si jere trasferît di agns par amôr inte zone di Pordenon. Al à volût passâ i ultins dîs cui siei afiets, la femine e lis fiis Tiziana e Patrizia. Al jere deventât famôs pal cicli sui barbons cun oparis espostis in dute Italie, intes stazions feroviariis principâls dal Paîs e inte Basiliche di Sant Eustachio a Rome.
Simpri de part dai ultins, puars, imigrâts, discriminâts. Ju à contâts cui colôrs a so mût, tant che i siei amîs, don Gallo, don Ciotti, pari Alex Zanotelli. Al lasse ancje la sûr Marta, che vivis a New York, famose par jessi stade la “nene dai Kennedy”. Nol à volût epigrafe, Ottavio, e nancje funerâl. Se in à lât cence dî nuie, lassant in ereditât la sô art, chê di un grant mestri.
Daniele Micheluz
