A Vile Manin un omaç pal centenari di Renzo Tubaro

A son passats 25 agns de muart di Renzo Tubaro, pitôr nassût a Codroip tal 1925 e muart a Udin ai 2 di Otubar dal 2002. A cent agns de nassite, l’artist e la sô opare a saran celebrâts dai 25 di Otubar te Vile Manin di Passarian cu la mostre “Renzo Tubaro. Intonare la realtà” (Intonâ la realtât), curade di Francesca Agostinelli, Fulvio Dell’Agnese e Giancarlo Pauletto e inmaneade dal Erpac dal F-Vj e dal Comun di Codroip. Tubaro al è stât un dai pitôrs plui impuartants de seconde metât dal Nûfcent furlan: la testemoneance e ven de schirei di esposizions fatis e dai tancj afrescs piturâts tes glesiis furlanis. (A.I.) – 01.10.2025