A Vile Manin 25 agns di scooters talians in mostre

“Scooter Italia 1945-1970” e je la esposizion che e vierzarà al public di sabide ai 8 di Fevrâr inte suaze sugjestive di Vile Manin a Passarian di Codroip par fâ un omaç a un dai simbui plui iconics dal dissen e de inzegnarie taliane, ufrint ai visitadôrs une imersion inte atmosfere di une epoche che e à segnât insot la storie e la identitât culturâl taliane. Inmaneade de Erpac e curade di Paolo Capuzzo, la mostre e je intal palinsest di “GO!2025&Friends”, il cartelon di avigniments colegât al program uficiâl de Capitâl europeane de culture. In mostre, une selezion di plui o mancul 50 modei, che a vegnin di colezioniscj privâts dal teritori regjonâl e no dome, di motoretis che a àn compagnât il cambiament sociâl e economic dal Paîs. Ducj i motoveicui in esposizion a son stâts prodots di aziendis famosis tant che Piaggio e Innocenti, ma ancje di mancul innomenadis come Rumi, Gianca… (A.I.) – 05.02.2025