A Triest al torne l’omaç a Tartini

Si vierç martars ai 21 a Triest il “Festival Tartini 330+1”, une schirie di avigniments organizât cul contribût speciâl dal Ministeri de Universitât e de Ricercje, che al rapresente l’at conclusîf de ativitât promovude fra il 2022 e il 2023 dal Centri di documentazion e studis ‘Bruno e Michele Polli’, une emanazion dal Conservatori Tartini pal studi e la divulgazion de opare dal gjeni dal violin di Piran, nassût intal 1692, duncje propite 330 agns indaûr + un. Martars al è in cartelon un conciert viert ae citât in Sala Tartini cu la formazion specializade L’Astree. La stesse dì si scree la mostre “Maestro delle nazioni”. (A.I.) – 20.02.2023