A tornin fûr i “Salvans” di Di Suald

Ce fasial un drâc intune glesie? Spudial aghe o fûc? Cui isal pardabon Arlechin, une mascare o un muart che al stice la Vierte a rivâ? Parcè in cualchi gnot in Invier si picje un cjalçut, e dome un, prime di la a durmî e il dî dopo si cjate cualchi regâl? E Carlo Magno e Cain jerino oms salvadiis, Salvans? Cheste e cetantis altris domandis a cjataran une rispueste joibe ai 16 al Visionario di Udin, aes 6 e mi3ze di dopomisdì, cu la presentazion de gnove edizion dal libri ilustrât di Alessandro D’Osualdo, Sandri Di Suald, “Salvans”: une galarie di oms salvadiis te culture antighe, celebrats ancje tes arts, ma ancje lis creaturis de tradizion popolâr e des liendis di chenti: il Borboros, i Sbilfs, il Zlatorog… La serade e sarà presentade di Guiogio Placereani,l intant che Lino Straulino e Raul Lovisoni a fasaran viodi i video e sintî lis musichis origjinâls fatis pre prime jessude dal libri. (A.I.) – 15.10.2025