A scuele di teatri intal cjanâl Pedarç

Ultins dîs par candidâsi ae residence artistiche gratuite “Il passato, il presente, il domani” (Il passât, il presint, il doman), inmaneade dal Comun di Prât inte suaze dal progjet “Viazâ intal timp. Il cjanâl Pedarç tra storie, tradizion e inovazion”. La iniziative, direte dal mestri cilen Yevgeni Mayorga Andrade in colaborazion cu la associazion udinese Teatro della Sete, si fasarà dai 22 ai 24 di Avrîl dal 2025 intal cjanâl Pedarç e e ufrirà une esperience di teatri fisic e di moviment. Il bant al restarà viert fin ae miezegnot dai 9 di Avrîl. La selezion e je vierte a un massim di vot atoris e atôrs dai 18 ai 40 agns. Par candidâsi al covente scrivi la domande che si cjate in rêt sul sît dal Comun di Prât: https://comune.prato-carnico.ud.it/ (A.I.) – 05.04.2025