A Sapade si fevele di dialets e lenghis minoritaris

La Societât filologjiche furlane e je daûr a inmaneâ la conference “Dialetti e lingue di minoranza tra localizzazione e globalizzazione” (Dialets e lenghis minoritariis jenfri localizazion e globalizazion) a Sapade par fâ rifleti des relazions jenfri la localizazion e la globalizazion, cjapant dentri contribûts che a analizin i dialets e lis lenghis minoritaris dal pont di viste sociolinguistic. L’event si davuelzarà di miercus ai 17 fint a sabide ai 20 di Jugn, te sale conferencis dal Museu Etnografic “Giuseppe Fontana” a Cime di Sapade. Il comun di Sapade al à une tradizion di cunvignis dedicadis ae linguistiche, ae sociolinguistiche, ai studis gjermanics e ae linguistiche alpine. Vie pes cuatri zornadis di cunvigne a son in program i intervents di uns cincuante specialiscj, che a rivin di dute la Italie e no dome par discuti di identitât e culture. (A.I.) – 16.06.2026