A Roncjis il festival dal gjornalisim

Si davuelç di martars ai 10 e fint a domenie ai 15 la decime prime edizion dal festival di gjornalisim inmaneade de associazion culturâl “Leali delle Notizie”, che par cuasi une setemane e mude Roncjis di Monfalcon intune capitâl des gnovis e dal gjornalisim. Daspò di 18 incuintris itineraris “In spiete dal festival” ator dal teritori, il calendari al è plen di events, apontaments e ospits che, daûr de tradizion, no laran daûr dome che di un teme, ma a frontaran aspiets diviers de atualitât. Al centri la informazion metude a risi, cun cetancj ospits (Sara Giudice e Nello Trocchia, Davide Casaleggio e Claudio Agosti, Stefania Battistini e Lucia Goracci…), cuatri mostris, presentazions di libris e doi premis. Vie pe scree si tache cu la cuarte edizion dal premi “Leali Young” in memorie di Cristina Visintini: dedicât a zovins sot dai 25 agns che a vuelin fâ i gjornaliscj, al è stât vinçût di Enrico Rossi (articul), e Lavinia Nocelli (prodot multimediâl). (A.I.) – 09.06.2025