A Pordenon si fevele ancjemò di Liberazion

Miercus ai 30 di Avrîl e je ancjemò la Fieste de Liberazion a Pordenon, là che la citât e fo liberade propit in cheste date, otante agns indaûr. Pe ocasion, li di Cinemazero. Aes 8 di buinore al sarà mostrât ai students des scuelis superiôrs de citât il documentari “La resistenza delle donne a Pordenone” (La resistence des feminis a Pordenon), inmaneât de Compagnia di Arti e Mestieri pe regjie di Bruna Braidotti. Il cine, fat cu lis arlevis dal liceu “Pighin”, al conte la storie de ocupazion todescje a Pordenon daspò dai 8 di Setembar dal 1943, daûr de testemoneance di Teresina Degan scrite intun saç su la Resistence in Friûl. (A.I.) – 29.04.2025