A Pordenon dut pront pai 800 agns de muart di S. Francesc

Prime che e tachi la trentesime cuarte edizion dal Festival internazionâl di musiche sacre, a Pordenon al è in program un percors di musiche e peraulis fat di trê conferencis te cjase dal student “Antonio Zanussi” par lâ insot dai temis des produzions che a rivaran cun autôrs, studiôs e musicolics. La iniziative e je par cure di Franco Calabretto e Eddi De Nadai, diretôrs artistics dal festival, e e je promovude di e Presenza e Cultura. Si tache vinars ai 17 aes 3 e mieze di dopomisdì, cuntune propueste leade al conciert de scree. In spiete dal 2026, l’otâf centenari de muart di S. Francesc, si fevelarà dal “Cantico delle Creature” cul filolic Paolo Venti, prime dal conciert di domenie ai 19 tal Domo di Pordenon, une anteprime mondial de interpretazion in musiche dal “Cantico” fate dal Ensemble Micrologus. La seconde conference leade ai temis dal festival e rivarà vinars ai 24 cun Angelo Floramo. (A.I.) – 16.10.2025