A Palme une Pasche intal non des arts

Di vinars ai 18 fint a lunis ai 21, inte aree de ex Caserme Filzi e dal baluart “Donato”, a Palme si fasarà la prime edizion di “Palmanova alle arti” (Palme aes arts): cuatri dîs di art che a slargjin il program culturâl ufiert dal Comun di Palme dilunc de fin de setemane di Pasche. Ae iniziative a son stâts invidâts artiscj visîfs, atôrs, coreografs, fotografs, dissegnadôr, scultôrs, poetis e scritôrs, che a proponaran tancj spetacui dal vîf, esposizions e laboratoris. Dopo de inaugurazion aes 6 di dopomisdì, l’avigniment di poesie “La stele a manuele” e la scree de esposizion di art contemporanie “Palme aes arts”. Sabide e domenie, un calendari plen di apontaments de matine ae sere e ancje tal Lunis di Pasche a son previodudis ativitâts par dute la zornade. (A.I.) – 17.04.2025