A “Narratori d’Europa” la vite dure di cui che al lavore sul social

da Andrea Ioime

Fâ il moderadôr dai contignûts dai “social” al significhe viodi il piês de umanitât: esaminâ video e foto ofensîfs, teoriis cospirativis, decidi cui che al à di jessi dislontanât. Al è chest il senari là che si môf la protagoniste dal libri “Questo post è stato rimosso”, un romanç curt scrit di Hanna Bervoets, une des autoris olandesis plui aclamadis de sô gjenerazion. Il libri al sarà presentât joibe ai 22, aes 3.30 dopomisdì, intal Auditorium de Cjase dal Student Zanussi di Pordenon, al centri de rassegne “Narratori d’Europa”, promovude de IRSE, l’Istitût Regjonâl di Studis Europeans. Pe ocasion e je previodude la partecipazion dal tradutôr dal romanç, Francesco Panzeri, che al fevelarà cun Stefania Savocco. (A.I.) – 21.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui