A Murùs une vît di doi mil agns indaûr

Par siet agns, dal 2011 e fint al 2018, la Societât furlane di archeologjie e à sgjavât a Murùs te localitât di Muris, rivant a cjatâ no dome ce che al reste di un cjasâl dal prin secul prin di Crist, ma ancje cualchi impuartante testemoneance de viticulture di doi mil agns indaûr. I reperts archeologjics cjatâts fûr no àn cetant valôr economic, ma a documentin il disvilup di une viticulture di cualitât za ai timps dal imperadôr Traian. Il toc plui impuartant al è une lamine di plomp di plui o mancul 3×6 cm, crevade in doi e sbusade tal mieç, cu la iscrizion incidude “CERIALIS VITIS SETINA”: il non dai consui tal an di produzion di un vin di presi che par sigûr al veve vût a ce fâ cu la vile di Murùs e si che duncje cui scambis tal e dal teritori. Vinars ai 7 di Fevrâr al sarà presentât il progjet “Notis di storie” finanziât de Regjon, che al previôt une mostre tal Cjistiel di Colorêt di Montalban, là che si viodaran 50 reperts cjatâts fûr vie pai sgjâfs archeologjics, daspò di une cunvigne che si davuelzarà tal mês di Setembar. (A.I.) – 06.02.2025