A Milan il F-Vj al presente i siei festival leteraris

Avigniment speciâl pes realtâts culturâls dal Friûl-Vignesie Julie, che a son protagonistis a Milan dal cartelon di avigniments “Un viaç di fâ 2025. Friûl-Vignesie Julie e GO!2025 viers une culture di frontiere”. Miercus ai 12, il curadôr Massimiliano Finazzer Flory al presentarà cui diretôrs artistics i principâi festival e i premis leteraris e gjornalistics de regjon, che a son rivâts aromai a un grant presi cualitatîf. Si fevelarà si che duncje di “Dedica Festival”, in program a Pordenon dai 15 ai 22 di Març, “vicino/lontano” (7-11 di Mai a Udin), “èStoria” (a Gurize dai 26 di Mai al prin di Jugn), di “PordenonePensa” (dai 3 ai 14 di Jugn), di “Leali delle Notizie” (dai 10 ai 15 di Jugn a Roncjis di Monfalcon), dal Premi “Umberto Saba Poesia” e dal sigûr ancje di “Pordenonelegge”, la fieste dal libri e de libertât che dai 17 ai 21 di Setembar a Pordenon e sarà inmaneade pe vincjesime seste edizion. (A.I.) – 11.02.2025