A Malborghet si fevele di Napoleon

A van indevant lis iniziativis dal progjet “Tracce del Confine” intai comuns di Pontebe, Malborghet–Valbrune, in vore cul prin comun Tarvis. Vinars ai 25 intal Palaç Venezian di Malborghet, apontament aes 6 dopomisdì cu la proiezion di “Tracce del Confine: il passaggio di Napoleone” un filmât storic su lis olmis dal passaç dal esercit napoleonic inte mont furlane, cul intervent dal storic Paolo Foramitti sul teme ”La culine di Rute”. Il bicentenari de muart di Napoleon al è la ocasion par tornâ a passâ lis vicendis dai abitants de Valcjanâl sot de dominazion francese. Il dì dopo, ae stesse ore intal gnûf Museu de Dogane di Cocau, un altri incuintri sul teme “Tracce del Confine”, che al è deventât ancje un concors par foto e filmâts curts. (A.I.) – 24.11.2022