A Lignan la vuide dal Friûl di Floramo

Un grant finâl pe vincjesime setime edizion dai Incuintris cul autôr e cul vin, la rassegne promovude de associazion “Lignano nel Terzo Millennio” di Giorgio Ardito e curade di Alberto Garlini, Giovanni Munisso e Michele Bonelli. Joibe ai 4 aes 6.30 di dopomisdì tal PalaPineta, in dialic cun Garlin, Angelo Floramo al presente “Guida del Friuli per veri friulani”, Vuide dal Friûl par furlans vêrs (jessude par Newton Compton Editori): di Aquilee al Orcolat, dal frico ae mîl, savôrs, lûcs e storiis di scuvierzi intune tiere di incjant. La vuide e je fate par cui che al è di chenti ma al cîr cjantons platâts e storiis segrets, ma ancje pai turiscj che a vuelin fâ une esperience autentiche di cheste regjon. (A.I.) – 02.09.2025