A Gurize une mostre par Alda Marini

Un omaç corâl par Alda Merini, la sô vôs, il so voli bon di passâ il dolôr e di tornâlu indaûr tant che poesie, vision, resistence creative. Si intitule “La pazza della porta accanto” (La mate de puarte dongje) la mostre che e sarà vierte dal prin ai 11 di Mai tal spazi espositîf “The Circle” di Gurize, in vie Rastello, cu lis oparis di Giuliano Grittini, fotograf uficiâl e grant ami de poete. La esposizion e je part dal progjet plui larc “Lis puartis dongje. Alda Merini, i artiscj, la int” e e met adun fotos, videos, libris e cetant altri, par svicinâ il visitadôr ae figure de poete. La scree e sarà fate miercus ai 30 di Avrîl te sede de mostre. (A.I.) – 23.04.2025