A Gurize un Caravaggio esponût par trê mês

La Fondazion “Cassa di Risparmio” di Gurize (Carigo) e ospite un gnûf avigniment di impuartance straordenarie dentri dal program di GO!2025: la esposizion de celebre piture di Michelangelo Merisi, il Caravaggio, “La presa di Cristo” (Crist cjapât), che e ven de prestigjose colezion Ruffo. Dai 3 di Avrîl e fint ai 30 di Jugn, intal spazi espositîf Smart Space de Fondazion in vie Carducci, il public al varà la oportunitât uniche di amirâ sore nuie une des oparis mestris plui intensis de ativitât romane dal Caravaggio. “La presa di Cristo” e figure il moment dramatic de cature di Jesù intal Ort dai ulivârs, e e je famose pal so realisim rût, la lûs straordenarie e la potence espressive des musis e dai cuarps che a lassin cence flât. In ocasion di cheste esposizion speciâl e vignarà screade cun di plui une sezion dedicade al Tesaur de Basiliche patriarcjâl di Aquilee: a saran esponûts a rotazion tredis libris liturgjics di grant valôr storic, religjôs e culturâl. (A.I.) – 01.04.2025