Nassût 29 agns indaûr dongje Monfalcon, al torne a Gardiscje, là che aromai si davuelç di cualchi an, la rassegne di musiche e leterature “Onde Mediterranee”, inmaneade de associazion culturâl Euritmica. Te arene dal cjistiel al è in program cualchi conciert cun nons di ponte de musiche taliane: ai 31 di Lui i Offlaka Disco Pax che a fasin fieste pai vincj agns de cariere, ai prins di Avost La Rappresentante di Lista e Meg (che di agns di cariere a ‘nd à za trente!), Andrea Pennacchi in version musicâl teatrâl ‘Pojana Rock’ cu la Revenge Tanko Band, il premi “Tenco” Anna Castiglia e une serade cul Dj e Vj Massimo Coppola e ospite Roberta Sammarelli dai Verdena. La sezion “Lettere Mediterranee” (Letaris mediteranis) e previôt invezit ogni dì incuintris ator di temis di atualitât e, come simpri, dute une zornade par Giulio Regeni. Si tache vinars ai 25 cu la scritore Chiara Tagliaferri, sabide ai 26 la dediche – adun cun dute la manifestazion “Onde per Giulio”, pal zovin ricercjadôr furlan copât in Egjit e lunis 28 Moni Ovadia a fevelâ – e no dome -.dai “Orôrs di Gaza”. (A.I.) – 24.07.2025
Foto di C. Pasqualini
