A “Dedica” al torne il scritôr Yasmina Khadra

Il festival “Dedica” di Pordenon al conferme ancjemò une volte il so rûl di puint culturâl fra autôrs di rilêf internazionâl e il public talian. A pôcs dîs de sierade de trentesime prime edizion, che e à viodût tant che protagonist il scritôr iranian olandês Kader Abdolah, il cicli di avigniments al va indevant cuntun altri grant autôr che al torne in Friûl: il scritôr franc alzerin Yasmina Khadra, un dai autôrs plui celebris de leterature francofone contemporanie, che al sarà in regjon par presentâ la sô ultime opare, “I virtuosi”, in dôs tapis. Miercus ai 2 al sarà prime a Udin, inte sede de Universitât, tal palaç Antonini aes 10.30 di buinore in dialic cun Alessandra Ferraro e po dopo a Pordenon intal convent di S. Francesc aes 9 di sere. (A.I.) – 01.04.2025