La citât di Cjasarse e da acet ae cunvigne di studis “Pasolini: i turcs dal Friûl 1976-2026 – 50 agns daspò dal taramot”, doi dîs di lavôr dedicâts ae prime opare teatrâl par furlan di Pier Paolo Pasolini e a lis sôs reinterpretazions a teatri, ma ancje tal sens culturâl e musicâl, vie pai agns. L’event, programât par joibe ai 14 e vinars ai 15 te sale dal consei di palaç Burovich, e puartarà dongje studiôs, regjiscj, artiscj, musicolics e protagoniscj des rapresentazions storichis dai “Turcs tal Friûl”, une opare che e à lis sôs lidrîs inte nestre storie. E, tal stes timp, e je un patrimoni coletîf di impuartance internazionâl, intun percors che al instrece la memorie, il teatri, il lengaç, la musiche e la identitât culturâl furlane. Curât di Roberto Calabretto e Luca Giuliani, inmaneât Cinemazero e promovût cun la Universitât dal Friûl e il Centri Studis “Pier Paolo Pasolini” di Cjasarse, il progjet al è il risultât di une colaborazion jenfri cetantis istituzions locâls. Al tache cuntune riflession ator de conession fonde jenfri il lavôr di Pasolini e il taramot dal 1976, cuant che la produzion teatrâl dal 1976 firmade di Rodolfo Castiglione te glesie San Lorenzo a Vignesie e deventà un simbul da ricostruzion civîl e culturâl di un Friûl sdrumât. (A.I.) – 13.05.2026
Foto dal archivi di Cinemazero
