A Cividât in mostre lis “musis di un paîs”

Daspò dal sucès invernâl de rassegne “Incuintris 2024 – Identitât”, la Societât Operarie di Socors Mutuâl e Istruzion di Cividât e presente il calendari de rassegne de Vierte “Incontri Somsi Spring Edition”: un gnûf cicli di conferencis, proiezions, dibatiments e presentazions su lis tematichis de solidarietât, de inclusion e de art. Si tache vinars ai 11 cu la scree de mostre “Musis di un paîs/Obrazi države”, inte Glesie di S. Marie dai Batûts, visitabile fint ai 5 di Mai: une racuelte di imagjins de prime metât dal Nûfcent fint ai prins agns dal secont dopovuere, gjavadis fûr dai “archivis” familiârs fotografics di Cividât, publics e privâts. (A.I.) – 10.04.2025