A Buri si celebre la memorie di Angelo Pezzarini

L’assessorât ae culture dal comun di Buri al à programât une schirie di iniziativis in ocasion de Zornade dal Ricuart dal Olocaust, par rifleti sul passât e impegnâsi a tirâ sù une societât plui tolerante. Martars ai 27 di buinore, l’assessôr Valter Pezzarini al contarà ai students des scuelis dal paîs, come che al fâs ogni an, la storie di so pari Angelo, ricuardant il timp passât in preson intun cjamp di lavôr, che al veve contât tai ultins agns de sô vite. “Chest al è un impegn che o vevi cjapât cun me pari e une maniere par invidâ i zovins a no dismenteâ.” Lis scuelis a son stadis ancje ancje cjapadis dentri dal “Premi Angelo Pezzarini”,ator dal teme “Ricuardâsi di lâ indevant de indiference”. Il premi al è dividût in trê categoriis: test scrit, dissen grafic e cine. Martars di sere, te Vile di Toppo Florio si podarà viodi un documentari francês di Jorge Amat che al conte la storie dal tren “fantasime” che al leve di Toulouse a Dachau. (A.I.) – 26.01.2026