A Buri la fieste pe citât dai arbui

Un pâr di mês indaûr, Buri al à cjapât il premi internazionâl “Tree City of the World 2025”, Citât dai arbui dal mont, dât de Fondazion Arbor Day e de FAO aes citâts che a spichin pe lôr gjestion sostignibile, struturade e continue dal patrimoni urban dai arbui. Un ricognossiment che al met il paîs dongje des altris citâts talianis selezionadis (Bergamo, Campobasso, Ferrara, Matera, Jesi) e che lu fâs jentrâ intune rêt internazionâl che e supuarte lis citâts virtuosis e lis vuide suntune strade di miorament continui. Buri, la “citât dai arbui”, e celebre il premi internazionâl “Tree Cities of the World” cuntun incuintri public dedicât al vert urban e ae gjestion sostignibil des citâts. Sabide ai 16, a tacâ des nûf e mieze di buinore te vile di Toppo Florio, l’event al esplorarà argoments leâts ae cure dai arbui, ae rêt globâl des Citâts dai Arbui e as disfidis futuris midiant di un dialic jenfri esperts e realtâts che a son ativis tal setôr. La iniziative e mostrarà lis pratichis justis pe gjestion dai arbui e il rûl des comunitâts te costruzion di citâts plui verdis e resistentis. (A.I.) – 15.05.2026