A Buri i furlans “ribei” contâts di Walter Tomada

Un romanç storic che al conte la anime di ribel e indipendentiste dal popul furlan, bon di oponisi a injustiziis e imposizions. In “Friulani eretici” (Furlans eretics), la “storie milenarie di disubidients salts e bastian contrari” dal gjornalist e docent Walter Tomada, jessût par Biblioteca dell’Immagine, si fevele dal “spirt” che di secui si remene ator pal Friûl: la vene eretiche dal so popul, par solit descrit tant che “salt, onest, lavoradôr”. Une part, chê dai “sotans”, che e je contrastade in dutis lis epochis dai “disubidients”. Joibe ai 8, aes 8.30 sot sere, l’autôr al presente il libri tal Municipi di Buri, te sale Europa, in dialic cun Paolo Zamparo. Ancje Buri al è protagoniste de conte cui tancj “spirts libars” simpri presints te comunitât. (A.I.) – 07.05.2025