A Bagnarie al è simpri il timp dai libris

Daspò di Lorenza Stroppa cul so ultin romanç, la novesime stagjon di “BagnAria di Libri” di Bagnarie, che si davuelç a Privan in vie de Glesie 6, e va indevant cun trê apontaments in pôcs dîs. Vinars ai 11, Erika Milite e sarà in dialic cun Chiara Clini par fevelâ dal so romanç “L’ultima crociera”. Domenie ai 13, la assessore ae culture Giulia Furlan e presente Alice Basso cuntune gnove storie di magjie, “Le ventisette sveglie di Atena Ferraris” (jessût par Garzanti). A sierâ la manifestazion martars ai 15 al sarà Paolo Patui cun “Contro. Dieci storie minime di sport”, compagnant il public adun cun Mauro Daltin intun viaç tal balon e in altris sports, de atletiche ae corse cu la bici. (A.I.) – 10.07.2025