Zovin motociclist in cundizions grivis daspò il scuintri tal cuartîr Aurora a Udin

Al è in cundizions griviis il zovin motociclist che îr, tor misdì  e mieç, al è lât  a sbati suntune Fiat Panda che e rivave dilunc vie Marzona, tal cuartîr Aurora a Udin. Il zovin di 21 agns, che al vîf dal cjâf lûc al è stât puartât dal ospedâl cun feridis une vore brutis, intant che la femine che si cjatave inte auto tant che passizîr, no si è fate nuie di là di cualchi sgriade par vie dai veris de barconete che si è rote.

Il zovin al vuidave la moto di cross in cuintri man, cence assicurazion, cence targhe e cence casc, ma la dinamiche dal incident e je dut câs sot de investigazion de Polizie locâl e de autoritât judiziarie che e à metût sot secuestri ducj e doi i mieçs. (a.d.g.) – 07.04.2026